കോഴിക്കോട് : ക്ലിനിക്കിൽ ചികിത്സയ്ക്ക് എത്തിയ പതിനഞ്ചുകാരി പെൺകുട്ടിയോട് ലൈംഗിക അതിക്രമം നടത്തി എന്ന പരാതിയിൽ 78 കാരനായ മുതിർന്ന ശിശുരോഗ വിദഗ്ധൻ അറസ്റ്റിലായി. കോഴിക്കോട്ടെ ഡോ.സി.എം.അബൂബക്കർ ആണ് പോക്സോ കേസിൽ പോലീസ് പിടിയിലായത്.
ചാലപ്പുറത്തുഴയിലെ ഡോക്ടേഴ്സ് ക്ലിനിക്കിൽ കഴിഞ്ഞ പതിനൊന്ന്, പതിനേഴ് തീയതികളിലാണ് കേസുമായി ബന്ധപ്പെട്ട സംഭവങ്ങൾ ഉണ്ടായത്. അസുഖബാധിതയായ പെൺകുട്ടി ഡോക്ടറുടെ പെരുമാറ്റത്തിൽ മാനസികമായി തകരുകയും വിവരം വീട്ടുകാരെ അറിയിക്കുകയുമായിരുന്നു. തുടർന്ന് വീട്ടുകാർ പോലീസിൽ പരാതി നൽകി.
പരാതിയെ തുടർന്ന് കസബ പോലീസ് പ്രതിയെ അറസ്റ്റ് ചെയ്തു കോടതിയിൽ ഹാജരാക്കി. എന്നാൽ ആരോഗ്യ പ്രശാന്ഗ്നൽ ചൂണ്ടിക്കാട്ടി പ്രതിയെ ജുഡീഷ്യൽ കസ്റ്റഡിയിൽ മെഡിക്കൽ കോളേജ് ആശുപത്രിയിലേക്ക് മാറ്റി. സമാനമായ പരാതിയും പ്രതിഷേധങ്ങളും ഇതിനു മുമ്പും ഡോക്ടർക്കെതിരെ ഉണ്ടായിട്ടുണ്ടെന്നാണ് നാട്ടുകാർ പറയുന്നത്.