ഉത്തർപ്രദേശ്: ആറുവയസുകാരിയെ കൂട്ടബലാത്സംഗത്തിനിരയാക്കിയ കൌമരക്കാരെ പൊലീസ് പിടികൂടി. ഉത്തർപ്രദേശിലെ ബല്ല്യാ ജില്ലയിൽ ആഗസ്റ്റ് 15 നാണ് ക്രൂര സംഭവം നടന്നത്. കേസിൽ അറസ്റ്റിലായ രണ്ട് പേരും 15 വയസുകാരാണെന്ന് പൊലീസ് വ്യക്തമാക്കി. പെൺകുട്ടിയെ വൈദ്യ പരിശോധനക്ക് വിധേയയാക്കിയ ശേഷം ഇരുവരെയും പൊലീസ് അറസ്റ്റ് ചെയ്യുകയായിരുന്നു.
സംഭവ ദിവസം പെൺകുട്ടിയെ തെറ്റിദ്ധരിപ്പിച്ച് ഗ്രാമത്തിലെ ഒരു മുറിയിലെക്ക് കൂട്ടികൊണ്ടുപോവുകയും അവിടെവച്ച് കൂട്ട ബലാത്സംഗത്തിനിരയാക്കുകയുമായിരുന്നു. സംഭവത്തിൽ പ്രതികൾക്കെതിരെ വിവിധ ഐ പി സി വകുപ്പുകളും പോക്സോ നിയപ്രകാരവും കേസെടുത്തിട്ടുണ്ട്.