ലഖ്‌നൗ സൂപ്പര്‍ ജയന്റ്‌സ് - റോയല്‍ ചലഞ്ചേഴ്‌സ് ബാംഗ്ലൂര്‍ മത്സരശേഷം വിരാട് കോലിയോട് സംസാരിക്കാന്‍ തയ്യാറാകാതെ ലഖ്‌നൗ താരം നവീന്‍ ഉള്‍ ഹഖ്. മത്സരത്തിനിടെ ഇരുവരും തമ്മില്‍ വാക്കേറ്റത്തില്‍ ഏര്‍പ്പെട്ടിരുന്നു. നവീന്‍ ബാറ്റ് ചെയ്യുന്നതിനിടെ കോലി സ്ലെഡ്ജ് ചെയ്യുകയായിരുന്നു. നവീനെ നോക്കി ഷൂസ് ഉയര്‍ത്തി കാണിക്കുകയും കോലി ചെയ്തതായി വീഡിയോയില്‍ വ്യക്തമായിരുന്നു.
കോലിയും നവീനും തമ്മില്‍ പിച്ചിന് നടുവില്‍ വെച്ച് തന്നെ വലിയ വാക്കേറ്റമുണ്ടായി. അമിത മിശ്രയും അംപയറുമാണ് ആ സമയത്ത് കോലിയേയും നവീനെയും അനുരഞ്ജിപ്പിക്കാന്‍ ശ്രമം നടത്തിയത്. മത്സരശേഷവും കോലി-നവീന്‍ പോര് തുടര്‍ന്നു.