പരിമിത ഓവര്‍ ക്രിക്കറ്റില്‍ ഇന്ത്യയുടെ മധ്യനിരയിലെ കാവല്‍ക്കാരനായ ശ്രേയസ് അയ്യര്‍ ടെസ്റ്റ് ക്രിക്കറ്റിലും ഇന്ത്യയ്ക്കായി അരങ്ങേറ്റം കുറിച്ചു. ന്യൂസിലന്‍ഡിനെതിരായ ടെസ്റ്റ് പരമ്പരയിലെ ആദ്യ മത്സരത്തിലാണ് ശ്രേയസ് അയ്യര്‍ പ്ലേയിങ് ഇലവനില്‍ ഇടംപിടിച്ചത്. മുന്‍ ഇന്ത്യന്‍ താരവും ടെസ്റ്റ് ക്രിക്കറ്റിലെ ഇതിഹാസവുമായ സുനില്‍ ഗവാസ്‌കര്‍ ശ്രേയസ് അയ്യര്‍ക്ക് ടെസ്റ്റ് ക്യാപ്പ് നല്‍കി. കന്നി ടെസ്റ്റിനിറങ്ങുന്ന ശ്രേയസ് സുനില്‍ ഗവാസ്‌കറിന്റെ കൈയില്‍ നിന്ന് ക്യാപ്പ് വാങ്ങിയ ശേഷം അതില്‍ സന്തോഷത്തോടെ ചുംബിച്ചു.