ലോകകപ്പിനും ഓസീസിനെതിരെയുള്ള പരമ്പരയ്ക്കുമായി വെസ്റ്റിൻഡീസ് ടീം ഓസ്ട്രേലിയയിലെത്തി. ശനിയാഴ്ച വ്യക്തിപരമായ കാരണങ്ങൾ കൊണ്ട് ഓസീസിലെത്താൻ സാധിക്കാതെ വന്ന ഹെറ്റ്മെയറിനായി തിങ്കളാഴ്ച വിൻഡീസ് ക്രിക്കറ്റ് ബോർഡ് ഫ്ളൈറ്റ് ഷെഡ്യൂൾ ചെയ്തിരുന്നു. എന്നാൽ രാവിലെ തനിക്ക് കൃത്യസമയത്ത് എയർപോർട്ടിലെത്താൻ സാധിക്കില്ലെന്ന് താരം അറിയിച്ചതോടെയാണ് കടുത്ത നടപടിയുമായി ബോർഡ് രംഗത്തെത്തിയത്. ഇത്രയും കാലതാമസമുണ്ടായ സ്ഥിതിക്ക് താരത്തെ ടീമിൽ നിന്ന് തന്നെ മാറ്റുകയാണെന്ന് ബോർഡ് അറിയിച്ചു.
