India vs England: രാഹുകാലം തെളിഞ്ഞു, കെ എൽ രാഹുലിന് സെഞ്ചുറി, കൂട്ടിന് ഡബിൾ സ്ട്രോങ്ങായി റിഷഭ് പന്തും, ഇന്ത്യ ശക്തമായ നിലയിൽ
ഒരറ്റത്ത് വിക്കറ്റുകള്‍ വീഴുമ്പോഴും ഉലയാതെ കാത്ത് നിന്ന കെ എല്‍ രാഹുല്‍ മനോഹരമായ സെഞ്ചുറിയാണ് ഇംഗ്ലണ്ടിനെതിരെ നേടിയത്. 202 പന്തുകളില്‍ നിന്നാണ് രാഹുലിന്റെ സെഞ്ചുറി. ആദ്യ ഇന്നിങ്ങ്‌സില്‍ നന്നായി തുടങ്ങിയെങ്കിലും 42 റണ്‍സിന് താരം മടങ്ങിയിരുന്നു. എന്നാല്‍ രണ്ടാം ഇന്നിങ്ങ്‌സില്‍ ടീമിന് ഏറ്റവും ആവശ്യമുള്ള ഘട്ടത്തിലാണ് രാഹുലിന്റെ സെഞ്ചുറി. മത്സരത്തിന്റെ നാലാം ദിനത്തില്‍ ഇംഗ്ലണ്ടിന് മുന്നില്‍ ശക്തമായ വിജയലക്ഷ്യം വെയ്ക്കാനാണ് ഇന്ത്യ ലക്ഷ്യമിടുന്നത്. നാനൂറിന് മുകളിലുള്ള വിജയലക്ഷ്യമാകും ഇന്ത്യ ഇംഗ്ലണ്ടിന് മുന്നില്‍ വെയ്ക്കുക.
