ഇന്ത്യയ്ക്ക് ന്യൂ- ബോൾ എടുക്കാൻ അവസരമുണ്ടായിരുന്നു, വേണ്ടെന്ന് വെച്ചത് തന്ത്രത്തിൻ്റെ ഭാഗം, ഇംഗ്ലണ്ടിനെ കുടുക്കിയ ട്രാപ്പ് വെളിപ്പെടുത്തി ശുഭ്മാൻ ഗിൽ
മത്സരത്തില്‍ പഴകിയ പന്തില്‍ നിന്നും പ്രസിദ്ധ് കൃഷ്ണയ്ക്കും സിറാജിനും സ്വിങ് ലഭിക്കുന്നുണ്ടായിരുന്നു. പന്തിന്റെ ലോ ബൗണ്‍സും ഇന്ത്യന്‍ ടീമിന് ഗുണകരമായിരുന്നു. ഈ സാഹചര്യത്തിലാണ് ന്യൂ ബോള്‍ ഇന്ത്യ വേണ്ടെന്ന് വെച്ചത്. ന്യൂബോള്‍ വേണമെന്ന് ഞങ്ങള്‍ക്ക് തോന്നിയില്ല. കാരണം പഴയ പന്തില്‍ നല്ല രീതിയില്‍ സിറാജും പ്രസിദ്ധും പന്തെറിഞ്ഞിരുന്നു. ഇംഗ്ലണ്ട് ആ നിമിഷത്തില്‍ സമ്മര്‍ദ്ദത്തിലായിരുന്നു. അത് മുതലെടുക്കാനാണ് ശ്രമിച്ചത്. മത്സരശേഷം ശുഭ്മാന്‍ ഗില്‍ പറഞ്ഞു.
മത്സരത്തില്‍ ഇന്ത്യന്‍ പേസര്‍മാരുടെ അതിഗംഭീരപ്രകടനമാണ് ഇന്ത്യയ്ക്ക് വിജയം നല്‍കിയത്. ഇന്ത്യയുടെ 374 റണ്‍സ് വിജയലക്ഷ്യം പിന്തുടര്‍ന്ന് ഇംഗ്ലണ്ട് 301ന് 3 എന്ന നിലയില്‍ നിന്നായിരുന്നു വന്‍ തകര്‍ച്ചയിലേക്ക് വീണത്. ആദ്യ ഇന്നിങ്ങ്‌സില്‍ നാലും രണ്ടാം ഇന്നിങ്ങ്‌സില്‍ അഞ്ചും വിക്കറ്റുകള്‍ വീഴ്ത്തിയ പേസര്‍ മുഹമ്മദ് സിറാജിന്റെ പ്രകടനമാണ് മത്സരത്തില്‍ നിര്‍ണായകമായത്. പ്രസിദ്ധ് കൃഷ്ണ 2 ഇന്നിങ്ങ്‌സുകളില്‍ നിന്നുമായി 8 വിക്കറ്റും മത്സരത്തില്‍ വീഴ്ത്തി.
