420 റണ്‍സ് വിജയലക്ഷ്യം മുന്നില്‍കണ്ട് രണ്ടാം ഇന്നിങ്‌സ് ആരംഭിച്ച പാക്കിസ്ഥാനെ 207 ല്‍ ഇന്ത്യ ഓള്‍ഔട്ട് ആക്കി. എല്ലാ വിക്കറ്റുകളും കുംബ്ലെയ്ക്ക്. ഓപ്പണര്‍ ഷാഹിദ് അഫ്രീദിയെ പുറത്താക്കിയാണ് കുംബ്ലെ വിക്കറ്റ് വേട്ട ആരംഭിച്ചത്. സയീദ് അന്‍വര്‍, ഇജാസ് അഹമ്മദ്, ഇന്‍സമാം ഉള്‍ ഹഖ്, മുഹമ്മദ് യൂസഫ്, മൊയീന്‍ ഖാന്‍ തുടങ്ങി പാക്കിസ്ഥാന്റെ പേരുകേട്ട ബാറ്റര്‍മാരെയെല്ലാം കുംബ്ലെ മടക്കി. ഒന്നാം ഇന്നിങ്‌സിലെ നാല് വിക്കറ്റ് അടക്കം ഡല്‍ഹി ടെസ്റ്റില്‍ കുംബ്ലെ നേടിയത് 14 വിക്കറ്റുകള്‍. കളിയിലെ താരവും കുംബ്ലെ തന്നെ.
