അഭിനന്ദനങ്ങള്‍ ബുമ്ര, ഒരു നോ ബോളും മൂന്ന് ക്യാച്ചുകള്‍ നഷ്ടമാക്കാതിരിക്കുകയും ചെയ്തില്ലായിരുന്നുവെങ്കില്‍ 9 വിക്കറ്റുകളെങ്കിലും നിങ്ങള്‍ക്ക് ലഭിക്കേണ്ടതായിരുന്നുവെന്നാണ് സച്ചിന്‍ കുറിച്ചത്. ഇന്ത്യന്‍ ഫീല്‍ഡര്‍മാരെ പരോക്ഷമായി വിമര്‍ശിച്ചാണ് സച്ചിന്റെ പോസ്റ്റ്. മത്സരത്തില്‍ ബുമ്രയുടെ ബൗളിങ്ങില്‍ 3 ക്യാച്ചുകളാണ് യശ്വസി ജയ്‌സ്വാള്‍ കൈവിട്ടത്. ആദ്യം ബെന്‍ ഡെക്കറ്റിനെയും പിന്നീട് ഒലി പോപ്പിനെയും ഹാരി ബ്രൂക്കിനെയും ജയ്‌സ്വാള്‍ കൈവിട്ടു. ബുമ്രയുടെ ഓവറില്‍ ബെന്‍ ഡെക്കറ്റിന്റെ ക്യാച്ച് അവസരം രവീന്ദ്ര ജഡേജയും കൈവിട്ടിരുന്നു. മത്സരത്തില്‍ 24.4 ഓവര്‍ എറിഞ്ഞ ബുമ്ര 83 റണ്‍സ് വഴങ്ങി 5 വിക്കറ്റുകള്‍ സ്വന്തമാക്കി. സേന രാജ്യങ്ങളില്‍ ബുമ്രയുടെ പത്താമത്ത് അഞ്ച് വിക്കറ്റ് നേട്ടമാണിത്.
