India Test Captain: ടെസ്റ്റ് ക്രിക്കറ്റില്‍ ഇന്ത്യയെ നയിക്കാന്‍ കെ.എല്‍.രാഹുല്‍ എത്തുമോ? ശുഭ്മാന്‍ ഗില്‍, റിഷഭ് പന്ത് എന്നിവര്‍ക്കു പുറമേ നായകസ്ഥാനത്തേക്ക് പരിഗണിക്കപ്പെടുന്നവരില്‍ കെ.എല്‍.രാഹുലും. ഗില്ലിനാണ് കൂടുതല്‍ സാധ്യത കല്‍പ്പിക്കപ്പെടുന്നതെങ്കിലും സീനിയോറിറ്റിയും പരിചയസമ്പത്തും രാഹുലിനു ഗുണം ചെയ്‌തേക്കും.
അതേസമയം കൂടുതല്‍ സാധ്യത കല്‍പ്പിക്കപ്പെടുന്ന ശുഭ്മാന്‍ ഗില്ലിനു തിരിച്ചടിയാകുക ഏഷ്യക്ക് പുറത്തുള്ള മോശം പ്രകടനമാണ്. ടെസ്റ്റില്‍ 32 മത്സരങ്ങളിലെ 59 ഇന്നിങ്‌സുകളില്‍ നിന്നായി 35.05 ശരാശരിയില്‍ 1893 റണ്‍സാണ് ഗില്ലിന്റെ നേട്ടം. ഏഷ്യയ്ക്കു പുറത്ത് ഗില്ലിന്റെ ടെസ്റ്റ് ശരാശരി 29ല്‍ താഴെയാണ്. ഏഷ്യക്കു പുറത്ത് ഒരു സെഞ്ചുറി നേടാന്‍ ഗില്ലിനു ഇതുവരെ സാധിച്ചിട്ടില്ല. ക്യാപ്റ്റനായാല്‍ ബാറ്റിങ്ങില്‍ കൂടുതല്‍ മോശമാകുമോ എന്ന ആശങ്കയാണ് ബിസിസിഐയ്ക്കുള്ളത്.
