ഇംഗ്ലണ്ടിനെതിരായ ആദ്യ ഏകദിനത്തില്‍ ഇന്ത്യന്‍ വിജയത്തില്‍ നിര്‍ണായകമായ പങ്കാണ് ശ്രേയസ് അയ്യര്‍ വഹിച്ചത്. അതിവേഗ ഫിഫ്റ്റിയുമായി ഇന്ത്യന്‍ ഇന്നിങ്ങ്‌സിന് വേഗം പകര്‍ന്ന താരം 6 ഓവറില്‍ ഇന്ത്യയുടെ 2 വിക്കറ്റുകള്‍ നഷ്ടമായിരിക്കെയാണ് ക്രീസിലെത്തിയത്. 36 പന്തില്‍ നിന്നും 59 റണ്‍സുമായാണ് ശ്രേയസ് മടങ്ങിയത്. ആദ്യ ഏകദിനത്തില്‍ ഇന്ത്യന്‍ ടീമില്‍ ഭാഗമല്ലാതിരുന്ന ശ്രേയസ് കോലിയ്ക്ക് പരിക്കേറ്റതിനെ തുടര്‍ന്നാണ് ടീമിലെത്തിയത്.
