ഇന്ത്യൻ പേസ് ബൗളിങ്ങിനെ പുതിയ ഉയരങ്ങളിലേക്കെത്തിച്ച ഇന്ത്യൻ താരം ജസ്പ്രീത് ബൂമ്രക്കെതിരെ ഞെട്ടിപ്പിക്കുന്ന അഭിപ്രായങ്ങളുമായി മുൻ ഇന്ത്യൻ ഇതിഹാസ താരം കപിൽ ദേവ്. ബൂമ്രയെ പോലെ ഒരു താരം അന്താരഷ്ട്രക്രിക്കറ്റിൽ അധികകാലം നിലനിൽക്കില്ല എന്നാണ് കപിൽ ദേവിന്റെ അഭിപ്രായം അങ്ങനെ പറയുവാൻ കൃത്യമായ കാരണങ്ങളും കപിലിനുണ്ട്.
ബൂമ്രയുടെ ബൗളിങ് ആക്ഷൻ എളുപ്പത്തിൽ പരിക്ക് പറ്റുവാൻ സാധ്യതയുള്ള തരത്തിലാണെന്നാണ് കപിൽ പറയുന്നത്. ഇക്കാരണം കൊണ്ട് ബൂമ്രയേക്കാൾ സാങ്കേതികതികവുള്ള ഭുവനേശ്വർ കുമാറിനായിരിക്കും കൂടുതൽ കാലം മത്സരരംഗത്ത് തുടരാനാകുക. ബൂമ്രയെ അപേക്ഷിച്ച് ഭുവനേശ്വർ കുമാറിന്റെ ബൗളിങ് ആക്ഷൻ കുറച്ചുകൂടി ആയാസരഹിതവും ഒഴുക്കുള്ളതുമാണ്.
