ന്യൂസിലൻഡിന് തലവേദനയാവുക ആ താരത്തിന്റെ സാന്നിധ്യം: ഡേവിഡ് വാർണർ പറയുന്നു

ഇന്ത്യക്കെതിരായ ഫൈനലിൽ ന്യൂസിലൻഡിനെ ഏറ്റവും പ്രയാസപ്പെടുത്തുക ഇന്ത്യൻ ഓൾറൗണ്ടർ രവീന്ദ്ര ജഡേജയുടെ സാന്നിധ്യമായിരിക്കുമെന്ന് ഓസീസ് സൂപ്പർ താരം ഡേവിഡ് വാർണർ. ജഡേജയും അശ്വിനും ചേർന്ന് ഫൈനലിൽ ന്യൂസിലൻഡിനെ ബുദ്ധിമുട്ടിക്കുമെന്നാണ് വാർണർ പറയുന്നത്.

ഇടം കയ്യന്മാർക്കെതിരെ വളരെ മികച്ച രീതിയിൽ പന്തെറിയുന്ന താരമാണ് ജഡേജ. ഒരേ ലെംഗ്‌ത്തിൽ തുടർച്ചയായി പന്തെറിയാൻ അവന് സാധിക്കും. അശ്വിനും ജഡേജയ്‌ക്കുമെതിരെ ന്യൂസിലൻഡ് താരങ്ങൾ കഷ്‌ടപ്പെടാൻ പോവുകയാണെന്നാണ് എനിക്ക് തോന്നുന്നത് വാർണർ പറഞ്ഞു. 51 ടെസ്റ്റ് മത്സരങ്ങളിൽ നിന്നും 221 വിക്കറ്റുകളാണ് ജഡേജ നേടിയിട്ടുള്ളത്.