ശ്രീലങ്കയ്ക്ക് വേണ്ടി മികച്ച തുടക്കമാണ് ഓപ്പണര്‍മാരായ കുശാല്‍ മെന്‍ഡിസും പതും നിസങ്കയും സമ്മാനിച്ചത്. മെന്‍ഡിസ് 31 പന്തില്‍ മൂന്ന് ഫോറും നാല് സിക്‌സും സഹിതം 52 റണ്‍സ് നേടി. നിസങ്ക 35 പന്തില്‍ നിന്ന് 33 റണ്‍സ് നേടി. പിന്നീട് ഇടവേളകളില്‍ വിക്കറ്റുകള്‍ നഷ്ടമായെങ്കിലും ചരിത് അസലങ്ക (19 പന്തില്‍ 37), ക്യാപ്റ്റന്‍ ദസുന്‍ ഷനക (22 പന്തില്‍ പുറത്താകാതെ 56) എന്നിവരുടെ വെടിക്കെട്ട് പ്രകടനം ശ്രീലങ്കയുടെ ടോട്ടല്‍ 200 കടത്തി. ആറ് സിക്‌സുകളും രണ്ട് ഫോറുകളും അടങ്ങിയതായിരുന്നു ഷനകയുടെ കിടിലന്‍ ഇന്നിങ്‌സ്.
