ഹാർദ്ദിക് പാണ്ഡ്യയുടെ ആദ്യ ഓവറിൽ 2 റൺസ് മാത്രമെ വഴങ്ങിയുള്ളുവെങ്കിലും അർഷദീപ് എറിഞ്ഞ രണ്ടാം ഓവറിൽ രണ്ട് നോബോളടക്കം 19 റൺസ് വന്നു. ശിവം മാവിയെ പന്തേൽപ്പിച്ചെങ്കിലും ഫലം കണ്ടില്ല. സ്പിന്നർമാർ വന്നതോടെയാണ് സ്കോറിംഗ് റേറ്റ് കുറഞ്ഞത്. ഇന്ത്യൻ നിരയിൽ സഞ്ജു സാംസണിന് പകരം രാഹുൽ ത്രിപാത്തി ടീമിൽ ഇടം സ്വന്തമാക്കി. ഒടുവിൽ വിവരം കിട്ടുമ്പോൾ 8 ഓവറിൽ 80 റൺസെന്ന നിലയിലാണ് ശ്രീലങ്ക. അർധസെഞ്ചുറി പൂർത്തിയാക്കിയ ഓപ്പണർ കുശാൽ മെൻഡിസും 23 റൺസുമായി പതും നിസങ്കയുമാണ് ക്രീസിൽ.
