ഇന്ത്യയുടെ ടി20 ലോകകപ്പിനുള്ള ഒരുക്കങ്ങളുടെ ഭാഗമായി ന്യൂസിലന്‍ഡിനെതിരെ നടക്കുന്ന പരമ്പരയിലെ അവസാന ടി20 മത്സരം തിരുവനന്തപുരം കാര്യവട്ടം സ്റ്റേഡിയത്തില്‍. അഞ്ച് ടി20 മത്സരങ്ങളും 3 ഏകദിനങ്ങളുമാണ് ന്യൂസിലന്‍ഡ് ഇന്ത്യയില്‍ കളിക്കുക. അടുത്ത വര്‍ഷം ജനുവരി 11ന് ബറോഡയിലാണ് ആദ്യ ഏകദിനം. രണ്ടാം ഏകദിനം ജനുവരി 14ന് രാജ്‌കോട്ടിലും മൂന്നാം ഏകദിനം 18ന് ഇന്‍ഡോറിലും നടക്കും. ജനുവരി 21നാണ് ടി20 പരമ്പരയ്ക്ക് തുടക്കമാവുന്നത്. നാഗ്പൂരിലാണ് ആദ്യ മത്സരം.
രണ്ടാം ടി20 മത്സരം 23ന് റായ്പൂരില്‍ നടക്കും. 24ന് മൂന്നാം ടി20 ഗുവാഹത്തിയിലും നാലാം ടി20 28ന് വിശാഖപട്ടണത്തും നടക്കും. ജനുവരി 31ന് നടക്കുന്ന മത്സരത്തിനാണ് ഗ്രീന്‍ ഫീല്‍ഡ് സ്റ്റേഡിയം വേദിയാവുക. കഴിഞ്ഞ ഇംഗ്ലണ്ടിനെതിരായ ടി20 പരമ്പരയില്‍ സഞ്ജുവിന് കാര്യമായ പ്രകടനം പുറത്തെടുക്കാന്‍ സാധിച്ചിരുന്നില്ല. പരിക്കിനെ തുടര്‍ന്ന് ഐപിഎല്ലിലും പല മത്സരങ്ങളും താരത്തിന് നഷ്ടമായി. കിട്ടിയ അവസരങ്ങളില്‍ കാര്യമായ പ്രകടനങ്ങള്‍ നടത്താനുമായില്ല. കാര്യം ഇങ്ങനെയെങ്കിലും നിലവില്‍ സഞ്ജു സാംസണ്‍- അഭിഷേക് ശര്‍മ എന്നിവര്‍ തന്നെയാണ് ടി20യിലെ ഓപ്പണര്‍മാര്‍. ആ നിലയില്‍ വരുന്ന ടി20 ലോകകപ്പ് വരെയും സഞ്ജു ഇന്ത്യന്‍ ടീമില്‍ തുടരാനാണ് സാധ്യത. മാറ്റങ്ങളൊന്നും സംഭവിച്ചില്ലെങ്കിലും സ്വന്തം നാട്ടുകാര്‍ക്ക് മുന്നില്‍ കളിക്കാനുള്ള അവസരമാകും സഞ്ജുവിന് മുന്നില്‍ ഒരുങ്ങുന്നത്. വരാനിരിക്കുന്ന ടി20 പരമ്പരകളിലെ സഞ്ജുവിന്റെ പ്രകടനമാകും ഇതില്‍ നിര്‍ണായകമാവുക.
ഏകദിന പരമ്പര (ODI Matches)
ബറോഡ ജനുവരി 11, 2026
രാജ്‌കോട്ട് ജനുവരി 14, 2026
ഇന്‍ഡോര്‍ ജനുവരി 18, 2026
ടി20 പരമ്പര (T20 Matches)
നാഗ്പൂര്‍ ജനുവരി 21, 2026
റായ്പൂര്‍ ജനുവരി 23, 2026
ഗുവാഹത്തി ജനുവരി 24, 2026
വിശാഖപട്ടണം ജനുവരി 28, 2026
