India vs England, 4th Test: റാഞ്ചിയില് നടന്ന ഇംഗ്ലണ്ടിനെതിരായ നാലാം ടെസ്റ്റില് ഇന്ത്യക്ക് അഞ്ച് വിക്കറ്റ് ജയം. 192 റണ്സ് വിജയലക്ഷ്യത്തിലേക്ക് ബാറ്റ് വീശിയ ഇന്ത്യ അഞ്ച് വിക്കറ്റ് നഷ്ടത്തില് ലക്ഷ്യം കണ്ടു. രോഹിത് ശര്മ (55), ശുഭ്മാന് ഗില് (പുറത്താകാതെ 52) എന്നിവരുടെ അര്ധ സെഞ്ചുറികളാണ് ഇന്ത്യന് ജയം എളുപ്പമാക്കിയത്. ധ്രുവ് ജുറല് 39 റണ്സുമായി പുറത്താകാതെ നിന്നു. യഷസ്വി ജയ്സ്വാള് 37 റണ്സ് നേടി. ഒന്നാം ഇന്നിങ്സില് 90 റണ്സ് നേടിയ ജുറല് ആണ് കളിയിലെ താരം.
