ഗ്ലസ്റ്റര്‍ഷെയറിനു വേണ്ടി ഓപ്പണിങ് ചെയ്ത ജോര്‍ജ് 39 പന്തില്‍ നിന്ന് 147 റണ്‍സാണ് അടിച്ച് കൂട്ടിയത്. 20 സിക്സും 5 ബൌണ്ടറിയുമടങ്ങുന്നതാണ് മുൻസിയുടെ ഇന്നിംഗ്സ്. 17 പന്തിൽ അർധസെൻഞ്ച്വറിയിലെത്തിയ താരം അടുത്ത 8 പന്തും സിക്സർ പറത്തിയാണ് സെഞ്ച്വറിയിലേക്ക് കുതിച്ചത്. ബാറ്റെടുത്തവരെല്ലാം ആഞ്ഞുവീശിയപ്പോള്‍ 20 ഓവറില്‍ സ്‌കോര്‍ബോര്‍ഡില്‍ എത്തിയത് മൂന്നിന് 326. 50 മിനുറ്റ് നീണ്ട എന്റര്‍ടെയ്ന്‍മെന്റ് എന്നായിരുന്നു ജോര്‍ജിന്റെ ഇന്നിങ്‌സിനെ ക്രിക്കറ്റ് പ്രേമികള്‍ വിശദീകരിക്കുന്നത്. അനൌദ്യോഗിക ക്രിക്കറ്റായതിനാൽ മുൻസിയുടെ ഈ നേട്ടം റെക്കോർഡ് ബുക്കിൽ ഇടം നേടില്ല.
