ഏകദിന റാങ്കിംഗില്‍ ഒന്നാം സ്ഥാനക്കാരാണ് എന്നത് പാകിസ്ഥാന് മുകളില്‍ അധികസമ്മര്‍ദ്ദം ഏല്‍പ്പിക്കുന്നില്ലെന്ന് പാകിസ്ഥാന് നായകന്‍ ബാബര്‍ അസം. ഒന്നാം റാങ്കല്ല കൂടുതല്‍ കിരീടനേട്ടങ്ങളാണ് തങ്ങള്‍ ആഗ്രഹിക്കുന്നതെന്ന് ബാബര്‍ അസം പറയുന്നു. പാകിസ്ഥാന് മുകളില്‍ സമ്മര്‍ദ്ദമില്ലെന്ന് ഞാന്‍ പറയില്ല. ഞങ്ങള്‍ ഈ ടൂര്‍ണമെന്റില്‍ കൂടുതല്‍ ആത്മവിശ്വാസത്തോടെയാണ് എത്തുന്നത്. കഴിഞ്ഞ കുറച്ച് വര്‍ഷങ്ങളായി ടീം വളരെയധികം കഠിനാധ്വാനവും പരിശ്രമവും നടത്തിയിട്ടുണ്ട്. ഏകദിനത്തില്‍ ഒന്നാം സ്ഥാനം നേടിയത് അതിനാലാണ് ബാബര്‍ പറഞ്ഞു.
