വീണ്ടും യുവി മാജിക്ക്

ഐപിഎല്ലില്‍ ബാംഗ്ലൂര്‍ റോയല്‍ ചാലഞ്ചേഴ്‌സിന് ഡല്‍ഹി ഡെയര്‍ഡെവിള്‍സിനെതിരെ വിജയം. യുവരാജ് സിംഗിന്റെ തകര്‍പ്പന്‍ പ്രകടനമാണ് ബാംഗ്ലൂര്‍ റോയല്‍ ചാലഞ്ചേഴ്‌സിന് വിജയം സമ്മാനിച്ചത്.

ആദ്യം ബാറ്റ് ചെയ്ത ബാംഗ്ലൂര്‍ റോയല്‍ ചാലഞ്ചേഴ്‌സിന് 186 റണ്‍സെടുക്കാന്‍ കഴിഞ്ഞു.
എബി ഡിവില്ലിയേഴ്‌സ് (33), പാര്‍ഥിവ് പട്ടേല്‍ ‍(29), ക്രിസ് ഗെയ്ല്‍ ‍(22) എന്നിവര്‍ മികച്ച പ്രകടനം നടത്തിയപ്പോള്‍. യുവരാജ് സിംഗിന്റെ ബാറ്റിംഗ് വിരുന്ന് ബാംഗ്ലൂരിന് വന്‍ സ്കോര്‍ സമ്മാനിക്കുകയായിരുന്നു. 29 പന്തില്‍ പുറത്താവാതെ 68 റണ്‍സെടുത്ത യുവിയാണ്
ബാംഗ്ലൂര്‍ നിരയിലെ താരം.

മറുപടി ബാറ്റിംഗിന് ഇറങ്ങിയ ഡല്‍ഹി ഡെയര്‍ഡെവിള്‍സിന് 16 റണ്‍സിന് തോല്‍ക്കാനായിരുന്നു വിധി. ക്യാപ്റ്റന്‍ കെവിന്‍ പീറ്റേഴ്‌സണ്‍ ‍(33), മായങ്ക് അഗര്‍വാള്‍ ‍(31), കേദാര്‍ ജാദവ് (37) എന്നിവരാണ് ഡല്‍ഹിയുടെ മറ്റു സ്‌കോറര്‍മാര്‍.