ചെന്നൈ ചെപ്പോക്കിലെ പിച്ചില്‍ ഇന്ത്യന്‍ പേസര്‍മാരുടെ ആക്രമണത്തിലാണ് ബംഗ്ലാ കടുവകള്‍ തകര്‍ന്നടിഞ്ഞത്. 64 പന്തില്‍ അഞ്ച് ഫോറടക്കം 32 റണ്‍സെടുത്ത ഷാക്കിബ് അല്‍ ഹസനാണ് ബംഗ്ലാ നിരയിലെ ടോപ് സ്‌കോറര്‍. ലിറ്റണ്‍ ദാസ് 22 റണ്‍സും നജ്മല്‍ ഹുസൈന്‍ സാന്റോ 20 റണ്‍സുമെടുത്തു. വാലറ്റത്ത് മെഹ്ദി ഹസന്‍ ചെറുത്ത് നിന്നതാണ് ബംഗ്ലാദേശ് ഇന്നിങ്ങ്‌സ് നീട്ടിയത്.
നേരത്തെ ആദ്യം ബാറ്റ് ചെയ്ത ഇന്ത്യ ആര്‍ അശ്വിന് നേടിയ സെഞ്ചുറിയുടെ ബലത്തിലാണ് 376 റണ്‍സിലെത്തിയത്. അശ്വിന് പുറമെ രവീന്ദ്ര ജഡേജ,യശ്വസി ജയ്‌സ്വാള്‍ എന്നിവര്‍ മാത്രമാണ് ഇന്ത്യന്‍ നിരയില്‍ തിളങ്ങിയത്. രണ്ടാം ദിനത്തില്‍ 6ന് 339 എന്ന നിലയില്‍ ഇന്നിങ്ങ്‌സ് പുനരാരംഭിച്ച ഇന്ത്യയ്ക്ക് 37 റണ്‍സുകള്‍ മാത്രമെ കൂട്ടിചേര്‍ക്കാനായുള്ളു. 5 വിക്കറ്റുമായി ഹസന്‍ മഹ്മൂദാണ് ബംഗ്ലാദേശ് നിരയില്‍ തിളങ്ങിയത്.
