കഴിഞ്ഞ ഐപിഎല്ലിൽ മികച്ച പ്രകടനം കാഴ്‌ച്ചവെച്ച ഷാറൂഖ് ഖാൻ, ആവേശ് ഖാൻ എന്നിവർ വെറും 20 ലക്ഷം രൂപയാണ് അടിസ്ഥാനവിലയായി തിരെഞ്ഞെടുത്തത്. റോബിൻ ഉത്തപ്പ, അമ്പാട്ടി റായഡു, ആഷ്ടൺ ആഗർ, ക്രെയ്ഗ് ഓവർട്ടൻ, മർച്ചന്റ് ഡി ലാൻഗേ തുടങ്ങിയവർ അടിസ്ഥാനവിലയായി 2 കോടി തിരെഞ്ഞെടുത്ത സ്ഥാനത്താണ് ഇരുവരും കുറഞ്ഞ തുകയായ 20 ലക്ഷം തിരെഞ്ഞെടുത്തത്.
കഴിഞ്ഞ ഐപിഎൽ സീസണിൽ ഡൽഹി ക്യാപിറ്റൽസിനായി തകർപ്പൻ പ്രകടനം കാഴ്ചവച്ച് ശ്രദ്ധ നേടിയ താരമാണ് ആവേശ് ഖാൻ. സീസണിൽ 24 വിക്കറ്റുമായി വിക്കറ്റ് വേട്ടക്കാരുടെ ലിസ്റ്റിൽ രണ്ടാമനായിരുന്നു.32 വിക്കറ്റുമായി ഒന്നാമതെത്തിയ റോയൽ ചാലഞ്ചേഴ്സ് ബാംഗ്ലൂർ താരം ഹർഷൽ പട്ടേൽ അടിസ്ഥാന വിലയായി ഇത്തവണ രണ്ട് കോടിയായി തിരെഞ്ഞെടുത്തിരുന്നു.
