ബംഗ്ലാദേശിനെതിരായ മൂന്നാം ഏകദിനത്തിലെ തകര്‍പ്പന്‍ പ്രകടനത്തോടെ റെക്കോര്‍ഡ് ബുക്കില്‍ ഇടം പിടിച്ച് അഫ്ഗാന് താരം റഹ്മാനുള്ള ഗുര്‍ബാസ്. മത്സരത്തില്‍ സെഞ്ചുറി സ്വന്തമാക്കിയ താരം ഏകദിന ക്രിക്കറ്റിന്റെ ചരിത്രത്തില്‍ 8 സെഞ്ചുറികള്‍ നേടുന്ന പ്രായം കുറഞ്ഞ രണ്ടാമത്തെ താരമെന്ന നേട്ടമാണ് സ്വന്തമാക്കിയത്. ഇതിഹാസതാരം സച്ചിന്‍ ടെന്‍ഡുല്‍ക്കര്‍, ഇന്ത്യന്‍ സൂപ്പര്‍ താരം വിരാട് കോലി, പാക് സൂപ്പര്‍ താരമായ ബാബര്‍ അസം എന്നിവരെയാണ് ഗുര്‍ബാസ് മറികടന്നത്.
