‘ഇനി അതു മാത്രമാണ് എന്റെ ലക്ഷ്യം’; പാണ്ഡ്യയുടെ ഈ വാക്കുകള്‍ മുന്‍ നായകനുള്ള മുന്നറിയിപ്പോ ?

വിൻഡീസിനെതിരായ നാലാം ഏകദിനത്തിൽ വിജയത്തിനു തൊട്ടരികെ പുറത്തായത് ദൗർഭാഗ്യകരമായിപ്പോയെന്ന് ഹാർദിക് പാണ്ഡ്യ. ഇനി അത്തരം സാഹചര്യങ്ങളിൽ വീഴ്ച ആവർത്തിക്കാതിരിക്കാൻ പരമാവധി ശ്രമിക്കും. ടീം ഇന്ത്യയുടെ ‘മികച്ച ഫിനിഷർ’ ആകുന്നതിനുള്ള തയാറെടുപ്പിലാണ് ഇപ്പോള്‍ താനെന്നും പാണ്ഡ്യ വ്യക്തമാക്കി.  

ജയിക്കാൻ 31 പന്തിൽ 29 റൺസ് മാ‍ത്രം വേണ്ടപ്പോളായിരുന്നു 21 പന്തിൽ 20 റണ്‍സെടുത്ത് പാണ്ഡ്യ പുറത്തായത്. മുൻ നായകന്‍ മഹേന്ദ്ര സിങ് ധോണിയോടൊപ്പം ക്രീസിലുണ്ടായിരുന്ന സമയത്ത് വിജയം പ്രതീക്ഷിച്ചിരുന്നതായും പാണ്ഡ്യ പറഞ്ഞു. ലക്ഷ്യത്തിലെത്താമെന്നായിരുന്നു ഞങ്ങള്‍ കണക്കുകൂട്ടിയത്. എന്നാല്‍ എത്തവണത്തെയും പോലെ കഴിഞ്ഞ തവണ അതിനു സാധിച്ചില്ല. ഇതു വലിയ പാഠം കൂടിയാണെന്നും പാണ്ഡ്യ പറഞ്ഞു.