അടുത്ത സീസണില്‍ ഫാഫ് ഡു പ്ലെസിസ് റോയല്‍ ചലഞ്ചേഴ്‌സ് ബെംഗളൂരുവിനൊപ്പം ഉണ്ടാകില്ല. നിലവില്‍ ഡു പ്ലെസിസാണ് ആര്‍സിബിയെ നയിക്കുന്നത്. ഡു പ്ലെസിസ് ഐപിഎല്ലില്‍ നിന്ന് വിരമിക്കുന്നതോടെ ക്യാപ്റ്റന്‍, ഓപ്പണര്‍ എന്നീ സ്ലോട്ടുകള്‍ ഒഴിവു വരും. ഈ സാഹചര്യത്തിലാണ് രാഹുലിനെ നായകനായും ഓപ്പണറായും ആര്‍സിബി പരിഗണിക്കുന്നത്. മാത്രമല്ല ആര്‍സിബിയുടെ വിക്കറ്റ് കീപ്പര്‍ ബാറ്ററായ ദിനേശ് കാര്‍ത്തിക്കും ഈ സീസണോടെ വിരമിക്കാനാണ് സാധ്യത. രാഹുല്‍ വിക്കറ്റ് കീപ്പറാണെന്നത് കൂടി കണക്കിലെടുത്താണ് ആര്‍സിബി ഇങ്ങനെയൊരു നീക്കത്തിനു ശ്രമിക്കുന്നത്.
