അരങ്ങേറ്റ ടെസ്റ്റില്‍ സെഞ്ച്വറി നേടുന്ന പതിനഞ്ചാമത്തെ കളിക്കാരനാണ് പൃഥ്വി ഷാ. വെറും പതിനെട്ടുകാരന്‍. എന്നാല്‍ ഒരു പതിനെട്ടുകാരന്‍റെ ബാറ്റിംഗ് കരുത്തല്ല അതെന്ന് വെസ്റ്റിന്‍ഡീസ് ബൌളര്‍മാര്‍ക്ക് ബോധ്യമായിട്ടുണ്ടാവും. ടെസ്റ്റ് അരങ്ങേറ്റമാണെന്നൊന്നും പയ്യന്‍ നോക്കിയില്ല, ഏകദിനം പോലെ അടിയോടടി. ഒടുവില്‍ സെഞ്ച്വറി കൈപ്പിടിയില്‍.
‘പൃഥ്വി, അരങ്ങേറ്റത്തില്‍ നീ കാഴ്ചവച്ച ഈ ആക്രമണ ബാറ്റിംഗ് എത്ര മനോഹരമായ കാഴ്ച’യെന്ന് സച്ചിന് തന്നെ ട്വിറ്ററില്‍ കുറിച്ചപ്പോള്‍ ആത്ത് പൃഥ്വി ഷായ്ക്ക് കിട്ടിയ ഏറ്റവും വലിയ ബഹുമതിയായി. ‘ഷാ, വാട്ട് എ ഷോ!’ എന്നാണ് മറ്റൊരു കൂറ്റനടിക്കാരന്‍ രോഹിത് ശര്‍മയുടെ കമന്‍റ്.
