വിവേക് യാത്രയായപ്പോള്‍ അദ്ദേഹത്തിന്റെ ഓര്‍മ്മകളിലാണ് സിനിമാലോകം. തന്റെ സഹപ്രവര്‍ത്തകന്‍ കൂടിയായ വിവേകിന്റെ മരണം വിജയിനെ ഏറെ വേദനിപ്പിച്ചു. ജോര്‍ജിയയില്‍ ഷൂട്ടിംഗിലായിരുന്ന വിജയിന് വിവേകിനെ അവസാനമായി ഒരു നോക്ക് കാണാന്‍ സാധിച്ചില്ല. ഷൂട്ടിംഗ് പൂര്‍ത്തിയാക്കി ചെന്നൈയിലെത്തിയ നടന്‍ പോയത് വിവേകിന്റെ വീട്ടിലേക്ക് ആയിരുന്നു. നേരിട്ടെത്തി കുടുംബാംഗങ്ങളെ അദ്ദേഹം ആശ്വസിപ്പിച്ചു. വിജയ്യുടെ പിആര്‍ഒ റിയാസ് കെ അഹമ്മദാണ് ഇക്കാര്യം അറിയിച്ചത്.
