സോഷ്യൽ മീഡിയയിൽ ഒരു ഫോട്ടോ പങ്കുവെച്ചതിന് പിന്നാലെ പുലിവാല് പിടിച്ചിരിക്കുകയാണ് തെലുങ്കിലെ പ്രശസ്‌ത ഗായികയായ സുനിതാ ഉപാദ്രാ‌സ്‌ത. വീട്ടിലെ മാവ് കായ്‌ച്ചപ്പോൾ എന്റെ ആദ്യ വിളയ്‌ക്കൊപ്പം എന്ന തലക്കെട്ടോടെ ഇന്‍സ്റ്റാഗ്രാമില്‍ ഫോട്ടോ ഇട്ടതോടെയാണ് പ്രശ്‌നങ്ങൾക്ക് തുടക്കമായത്.
ചിത്രത്തിന് കീഴിൽ ഗായിക ഗർഭിണിയായോ എന്നത് മാത്രമായിരുന്നു ആരാധക‌ർക്ക് അറിയേണ്ടിയിരുന്നത്. കമന്റുകൾ മറ്റൊരു തരത്തിൽ പോകുന്നത് കണ്ടപ്പോൾ സുനിത തന്നെ വിമർശനവുമായെത്തി. ആ‌ളുകൾക്കെല്ലം ഭ്രാന്തണോ എന്നായിരുന്നു വിശദീകരണക്കുറിപ്പില്‍ അവര്‍ ചോദിച്ചത്.ആദ്യ വിവാഹബന്ധം വേര്‍പെടുത്തിയ സുനിത കഴിഞ്ഞവര്‍ഷമാണ് ഡിജിറ്റല്‍ സംരംഭകനായ രാമ കൃഷ്ണ വീരപ്പനേനിയെ വിവാഹം ചെയ്തത്.