തെറ്റുകള്‍ പറ്റി,അതില്‍ കുറ്റബോധം തോന്നിയിട്ടില്ല, വിമര്‍ശനങ്ങള്‍ക്ക് മറുപടിയുമായി ഗായിക അഭയ ഹിരണ്‍മയി
'ഇപ്പോള്‍ എന്നെ കൂടുതല്‍ സന്തോഷവതിയായി കാണുന്നുവെന്ന് ആളുകള്‍ പറയുന്നു. എന്റെ മുന്‍പത്തെ ജീവിതം നിങ്ങള്‍ കണ്ടിട്ടില്ല. അതൊരു കാലഘട്ടമാണ്. എന്റെ അമ്മ എപ്പോഴും എന്നെക്കുറിച്ചു പറയും, എന്തു തന്നെ സംഭവിച്ചാലും അവള്‍ ഹാപ്പിയാണെന്ന്. അതെ, എനിക്കു തിരിച്ചടികള്‍ ഉണ്ടായിട്ടുണ്ട്. പക്ഷേ എന്റെ സന്തോഷം ആരെയും ആശ്രയിച്ചുകൊണ്ടായിരുന്നില്ല. ജീവിതത്തിന്റെ ഒരു ഘട്ടത്തില്‍ നിങ്ങള്‍ക്കെല്ലാം സംഭവിക്കുന്നതുപോലെ എനിക്കും തെറ്റുകള്‍ പറ്റി.
പക്ഷേ ഇതുവരെ അതില്‍ കുറ്റബോധം തോന്നിയിട്ടില്ല. ജീവിതം എപ്പോഴും എന്നെ നല്ലതു പഠിപ്പിക്കുന്നു. തെറ്റുകള്‍ വരുത്തുക, അവയില്‍ നിന്ന് പഠിക്കുക, വീണ്ടും തെറ്റുകള്‍ വരുത്തുക. അതില്‍ നിന്ന് വീണ്ടും പഠിക്കുക. അങ്ങനെയാണ് നമ്മള്‍ നമ്മുടെ ജീവിതം നയിക്കേണ്ടത്. ജീവിക്കാന്‍ ആഗ്രഹിക്കുന്ന നിമിഷത്തില്‍ ജീവിക്കൂ',-അഭയ് ഹിരണ്‍മയി കുറിച്ചു.
