എമ്പുരാന്റെ ലൊക്കേഷന്‍ സന്ദര്‍ശിച്ച് രാംഗോപാല്‍ വര്‍മ്മ. രംഗോബാല്‍ വര്‍മ്മക്കൊപ്പമുള്ള ചിത്രങ്ങള്‍ പൃഥ്വിരാജ് ഫേസ്ബുക്കില്‍ പങ്കുവെച്ചിട്ടുണ്ട്. മോഡേണ്‍ ഇന്ത്യന്‍ സിനിമ കണ്ട് വളര്‍ന്ന ഏതൊരു സംവിധായകനെയും പോലെ ഞാനും ഈ ഇതിഹാസത്തിന്റെ ക്രാഫ്റ്റില്‍ നിന്നും ഏറെ പ്രചോദനം നേടിയിട്ടുണ്ടെന്നും ക്യാമറയെ കഥപറച്ചിലിനുള്ള ഉപകരണമാക്കി എങ്ങനെ മാറ്റാമെന്നതില്‍ മാസ്റ്റര്‍ ആണ് ഇദ്ദേഹമെന്നും പൃഥ്വിരാജ് കുറിച്ചു. മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രമാണ് തമ്പുരാന്‍.
ചിത്രത്തിന്റെ അവസാനഘട്ട ചിത്രീകരണമാണ് പാലക്കാട്ട് നടക്കുന്നത്. ഇവിടെയാണ് രാംഗോപാല്‍ വര്‍മ്മ എത്തിയത്. കേരളപ്പിറവി ദിനത്തിലാണ് ചിത്രത്തിന്റെ റിലീസ് തീയതി പ്രഖ്യാപിച്ചത്. 2025 മാര്‍ച്ച് 7നാണ് എമ്പുരാന്‍ തിയറ്ററുകളില്‍ എത്തുന്നത്.