രാജ്യത്ത് ഏറെ ആരാധകരുള്ള താരങ്ങളിൽ ഒരാളാണ് മോഹൻലാൽ, സാധാരണക്കാർ മുതൽ സെലിബ്രിറ്റികൾ വരെ മോഹൻലാലിന്റെ ആരാധകരായുണ്ട്. ഇപ്പോഴിതാ മോഹൻലാലിനൊപ്പമുള്ള ഒരു ഫാൻ മൊമന്റ് ചിത്രമാണ് സോഷ്യൽ മീഡിയയിൽ വൈറലാവുന്നത്.
നടൻ മോഹൻലാലിനെ കണ്ട സന്തോഷം പങ്കുവെച്ചുകൊണ്ട് ഇന്ത്യയുടെ ഒളിമ്പിക്‌സ് മെഡൽ ജേതാവ് പി‌വി സിന്ധുവാണ് ചിത്രം സമൂഹമാധ്യമങ്ങളിൽ പോസ്റ്റ് ചെയ്‌തത്. ഗോവയില്‍ ജിമ്മില്‍ വെച്ചാണ് മോഹൻലാലും പി വി സിന്ധുവും കണ്ടത്. ക്യാപ്‌ഷന്റെ ആവശ്യമില്ല. താങ്കളെ കണ്ടതിൽ സന്തോഷമെന്നാണ് പി‌വി സിന്ധു കുറിച്ചിരിക്കുന്നത്. നിലവിൽ താൻ ആദ്യമായി സംവിധാനം ചെയ്യുന്ന ബാറോസ് എന്ന ചിത്രത്തിന്റെ തിരക്കിലാണ് മോഹൻലാൽ.