ഷാജി കൈലാസിന്റെ മകന്‍ ജഗന്‍ ഷാജി കൈലാസ് സംവിധാനം ചെയ്യുന്ന പുതിയ ചിത്രത്തിന്റെ ചിത്രീകരണം പൂര്‍ത്തിയായി. 38 ദിവസത്തെ ഷൂട്ട് പാലക്കാടാണ് പൂര്‍ത്തിയായത്.
ഏറെ പ്രതീക്ഷയോടെ കാത്തിരുന്ന തീയതി വന്നെത്തി എന്ന് പറഞ്ഞു കൊണ്ടാണ് ചിത്രീകരണം പൂര്‍ത്തിയാക്കിയ സന്തോഷം ജഗന്‍ അറിയിച്ചത്. ഇന്‍ഡസ്ട്രിയിലെ ഒന്നിലധികം താരങ്ങള്‍ക്കൊപ്പം പ്രവര്‍ത്തിച്ച സന്തോഷവും സംവിധായകന്‍ മറച്ചുവെച്ചില്ല. സിനിമ ബിഗ് സ്‌ക്രീനിലേക്ക് എത്തുന്ന ദിവസത്തിനായി കാത്തിരിക്കുകയാണ് താനെന്നും ജഗന്‍ പറഞ്ഞു.
ആകര്‍ഷകമായ ഒരു ഇന്‍വെസ്റ്റിഗേറ്റീവ് സസ്‌പെന്‍സ് ത്രില്ലര്‍ നിങ്ങള്‍ക്കായി കൊണ്ടുവരുമെന്ന് പ്രതീക്ഷിക്കുന്നു. ഉടന്‍ സിനിമാശാലകളില്‍ കാണാമെന്നാണ് സിജു വില്‍സണ്‍ പറഞ്ഞത്.രണ്‍ജി പണിക്കരും ശക്തമായ വേഷത്തില്‍ എത്തുന്നുണ്ട്.തിരക്കഥ എസ് സഞ്ജീവ്.ഗോപി സുന്ദറിന്റെ സംഗീതമാണ് മറ്റൊരു ആകര്‍ഷണം.
എം.പി.എം. പ്രൊഡക്ഷന്‍സ് ആന്റ് സെന്റ് മരിയാ പ്രൊഡക്ഷന്‍സിന്റെ ബാനറില്‍ ജോമി പുളിങ്കുന്നാണ് ചിത്രം നിര്‍മ്മിക്കുന്നത്.