ഹനു രാഘവപുടി സംവിധാനം ചെയ്ത സീതാ രാമം തെലുങ്ക് നാടുകളില്‍ ദുല്‍ഖര്‍ സല്‍മാന്റെ ജനപ്രീതി ഉയര്‍ത്തി. 90 കോടിയിലധികം കളക്ഷന്‍ നേടിയ ഈ ബ്ലോക്ക്ബസ്റ്ററിന് പിന്നാലെ ദുല്‍ഖറിന്റെ പുതിയ തെലുങ്ക് സിനിമയെ കുറിച്ചുള്ള ചര്‍ച്ചകളാണ് സോഷ്യല്‍ മീഡിയ നടക്കുന്നത്.ഇപ്പോഴിതാ സീതാ രാമം ടീം വീണ്ടും ഒന്നിക്കുന്നു എന്ന വാര്‍ത്തകളാണ് വരുന്നത്. ഹനു രാഘവപുടി സംവിധാനം ചെയ്യാന്‍ പോകുന്ന ചിത്രത്തില്‍ പ്രഭാസിനൊപ്പം ദുല്‍ഖര്‍ അഭിനയിക്കുന്നു എന്നതാണ് പ്രത്യേകത.
മൃണാള്‍ താക്കൂര്‍ നായികാ വേഷം ചെയ്യുന്ന സിനിമയും അതിഥി വേഷത്തില്‍ ദുല്‍ഖര്‍ പ്രത്യക്ഷപ്പെടും. ഓഗസ്റ്റില്‍ ചിത്രീകരണം ആരംഭിക്കും.
സലാര്‍ 2 , സന്ദീപ് വാങ്ക റെഡ്ഡിയുടെ പോകുന്ന സ്പിരിറ്റ് തുടങ്ങിയ ചിത്രങ്ങളാണ് പ്രഭാസിന് മുന്നില്‍ ഇനിയുള്ളത്.നാഗ് അശ്വിന്‍ സംവിധാനം ചെയ്ത കലക്കി മെയ് 9ന് റിലീസ് ചെയ്യും. ഈ സിനിമയിലും ദുല്‍ഖര്‍ അതിഥി വേഷത്തില്‍ പ്രത്യക്ഷപ്പെടും എന്നാണ് പറയപ്പെടുന്നത്.കമല്‍ ഹാസന്‍, അമിതാബ് ബച്ചന്‍, എസ് എസ് രാജമൗലി എന്നിവരും പ്രഭാസിനൊപ്പം കല്‍ക്കിയില്‍ അഭിനയിച്ചിട്ടുണ്ട്.ലക്കി ഭാസ്‌കര്‍ എന്ന തെലുങ്ക് ചിത്രവും സൂര്യ- സുധ കൊങ്ങര ടീമിന്റെ വരാനിരിക്കുന്ന സിനിമയിലും നടന്‍ അഭിനയിക്കും.കാന്ത, ഗോലി എന്നീ തമിഴ് ചിത്രങ്ങളും ദുല്‍ഖര്‍ സല്‍മാന്‍ ചെയ്യുമെന്നാണ് സൂചന.