ആദ്യ നിര്‍മ്മാണ സംരംഭം 'ഇമ്മാനുവല്‍' റിലീസായി പത്തുവര്‍ഷം പിന്നിട്ട സന്തോഷത്തിലാണ് നിര്‍മ്മാതാവ് ജോര്‍ജ്. അതിന്റെ കൂടെ തന്നെ തന്റെ 25 വിവാഹ വാര്‍ഷികവും ആഘോഷിക്കുകയാണ് അദ്ദേഹം. ഭാര്യ ഉഷയ്ക്ക് വിവാഹ വാര്‍ഷിക ആശംസകള്‍ ജോര്‍ജ് നേര്‍ന്നു.
ഇപ്പോഴിതാ തന്റെ പ്രിയപ്പെട്ട സുഹൃത്ത് ജോര്‍ജിനും ഉഷയ്ക്കും വിവാഹ വാര്‍ഷിക ആശംസകളുമായി എത്തിയിരിക്കുകയാണ് നിര്‍മാതാവ് ആന്റോ ജോസഫ്.
മേക്കപ്പ് ആര്‍ട്ടിസ്റ്റായി സിനിമ ജീവിതം ആരംഭിച്ച ആളാണ് ജോര്‍ജ്. മൂന്ന് ദശാബ്ദത്തില്‍ കൂടുതലായി മലയാള സിനിമയില്‍ സജീവം.അച്ഛാ ദിന്‍, ഇമ്മാനുവല്‍, ലാസ്റ്റ് സപ്പര്‍, പുഴു തുടങ്ങിയ സിനിമകള്‍ ജോര്‍ജ് നിര്‍മ്മിച്ചു.പാലേരി മാണിക്യത്തില്‍ മമ്മൂട്ടിക്ക് വേണ്ടി ജോര്‍ജ് തയ്യാറാക്കിയ വേഷപ്പകര്‍ച്ചകള്‍ ദേശീയ ശ്രദ്ധ ആകര്‍ഷിച്ചു.