മമ്മൂട്ടിയെ നായകനാക്കി വൈശാഖ് സംവിധാനം ചെയ്ത ടര്ബോ മെയ് 24നാണ് പ്രദര്ശനത്തിന് എത്തിയത്. ജീപ്പ് ഡ്രൈവറായ ജോസ് എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്. കന്നഡ നടന് രാജ് ബി ഷെട്ടിയും തെലുങ്ക് താരം സുനിലും സിനിമയില് പ്രധാന കഥാപാത്രങ്ങളെ അവതരിപ്പിച്ചു.
റിലീസ് ചെയ്ത് നാല് ദിവസം കൊണ്ട് തന്നെ 52.11 കോടിയാണ് ആഗോള ബോക്സ് ഓഫീസില് നിന്ന് സിനിമ നേടിയത്. സിനിമയുടെ സക്സസ് ടീസറും പുറത്തുവന്നിട്ടുണ്ട്.
മിഥുന് മാനുവല് തോമസിന്റെ തിരക്കഥയില് വൈശാഖ് സംവിധാനം ചെയ്ത ഈ ചിത്രം പ്രേക്ഷകര്ക്ക് മികച്ച തിയറ്റര് അനുഭവം സമ്മാനിക്കുന്നു. പ്രേക്ഷകശ്രദ്ധ പിടിച്ചു പറ്റിയ സിനിമ ആദ്യ വാരാന്ത്യത്തില് മികച്ച പ്രകടനം കാഴ്ചവച്ചു.