മിഥുന്‍ മാനുവല്‍ തോമസിന്റെ തിരക്കഥയില്‍ വൈശാഖ് സംവിധാനം ചെയ്ത ഈ ചിത്രം പ്രേക്ഷകര്‍ക്ക് മികച്ച തിയറ്റര്‍ അനുഭവം സമ്മാനിക്കുന്നു. പ്രേക്ഷകശ്രദ്ധ പിടിച്ചു പറ്റിയ സിനിമ ആദ്യ വാരാന്ത്യത്തില്‍ മികച്ച പ്രകടനം കാഴ്ചവച്ചു. ആദ്യം മൂന്ന് ദിവസം കൊണ്ടുതന്നെ ഇന്ത്യയിലെ മൊത്തം കളക്ഷന്‍ 14 കോടി രൂപയില്‍ കൂടുതലായിരുന്നു. നാലാം ദിവസം 4.65 കോടി കളക്ഷന്‍ കൂടി ചേര്‍ത്തു. ഇതോടെ മൊത്തം മലയാളം ബോക്സ് ഓഫീസ് കളക്ഷന്‍ 18.65 കോടിയായി.
പ്രഭാത ഷോകളില്‍ 34.59% ഒക്യുപെന്‍സി ഉണ്ടായിരുന്നു, ഇത് ഉച്ചകഴിഞ്ഞുള്ള ഷോകളിലേക്ക് കടന്നപ്പോഴേക്കും 53.69% ആയി വര്‍ദ്ധിച്ചു. ഈവനിംഗ് ഷോകളില്‍ 58.71% ഒക്യുപന്‍സിയുമായി ഉയര്‍ന്ന ഒക്യുപെന്‍സി രേഖപ്പെടുത്തി.
