മിന്നും താരം എന്ന പരിപാടിയില്‍ പങ്കെടുക്കാനായി കൊല്ലം സുധിയും ആസിസ് നെടുമങ്ങാടും പോകുന്ന സമയത്തെ ഓര്‍മ്മ പങ്കുവെച്ച വീഡിയോയാണ് സോഷ്യല്‍ മീഡിയയില്‍ വീണ്ടും ശ്രദ്ധ നേടുന്നത്.തമ്പാനൂരില്‍ പൈസയില്ലാതെ നില്‍ക്കുന്ന സമയത്ത് ടയറുമായി വന്ന ലോറിയിലാണ് പരിപാടിയില്‍ പങ്കെടുക്കാനായി പോയത്. ലോറിയില്‍ ഇരിക്കാന്‍ സ്ഥലമില്ലാത്തതിനാല്‍ സുധിയുടെ കുഞ്ഞിനെ ഡ്രൈവറിനൊപ്പം ഉള്ള ആളുടെ കയ്യില്‍ കൊടുത്ത് താനും സുധിയും ടയറിന് മുകളില്‍ കയറിയിരുന്നതാണ് പരിപാടിക്ക് പോയതെന്ന് ആസിസ് നെടുമങ്ങാട് ഓര്‍ക്കുന്നു. താങ്കള്‍ക്കായിരുന്നു ആ പരിപാടിയില്‍ ഫസ്റ്റ് കിട്ടിയതെന്നും നടന്‍ പറഞ്ഞു.
സുധിയും മോനും മാത്രമുള്ള ആ കാലത്തെ ജീവിതത്തെക്കുറിച്ചും ആസിസ് നെടുമങ്ങാട് പറയുന്നുണ്ട്.