തുടർച്ചയായ അഞ്ചാമത്തെ ദിവസവും ഓഹരി വിപണി കുത്തനെ ഇടിഞ്ഞു. ബജറ്റിന് മുന്നോടിയായുള്ള വില്പന സമ്മര്‍ദത്തില്‍ 10 ലക്ഷം കോടി രൂപയുടെ നഷ്ടമാണ് നിക്ഷേപകർക്കുണ്ടായത്.
ജനുവരി 21ന് സെൻസെക്‌സിലെ എക്കാലത്തെയും ഉയർന്ന നിലവാരമായ 50,184 പോയിന്റിലേക്കെത്തിയ വിപണി നാലായിരം പോയിന്റിലേറെയാണ് താഴ്‌ന്നത്. 14,753 എന്ന ഉയര്‍ന്ന നിലാവരത്തില്‍നിന്ന് നിഫ്റ്റിക്ക് 1000ത്തോളം പോയന്റും നഷ്ടം വന്നു. ബാങ്ക്, റിയാല്‍റ്റി, ഐടി, ധനകാര്യം, എഫ്എംസിജി വിഭാഗങ്ങളെയാണ് തകര്‍ച്ച പ്രധാനാമായും ബാധിച്ചത്. വാഹനം, ഓയില്‍ആന്‍ഡ്ഗ്യാസ് ഓഹരികളില്‍ നേരിയ തോതിൽ വാങ്ങലുകൾ പ്രകടമായി.