50 ദിവസങ്ങൾ പിന്നിട്ടിരിക്കുകയാണ് ബിഗ് ബോസ് സീസൺ 2. കണ്ണിന് അസുഖം ബാധിച്ച് പുറത്തേക്ക് പോയവരിൽ സുജോ, അലസാന്ദ്ര, രഘു എന്നിവര്‍ തിരിച്ചുവന്നതോടെ കളികൾ വീണ്ടും ചൂട് പിടിക്കുകയാണ്. എലിമിനേഷനുള്ള നോമിനേഷനിൽ ക്യാപ്റ്റൻ ഷാജി ഒഴിച്ച് മറ്റെല്ലാവരും വന്നിട്ടുണ്ട്.
രജിത്, ആര്യ, വീണ നായര്‍, ഫുക്രു, ജസ്ല, സൂരജ് എന്നിവരാണ് ഇത്തവണ നോമിനേഷനിലുള്ളത് ഇവരില്‍ ആരായിരിക്കും പുറത്തേക്ക് പോവുന്നതെന്ന ചർച്ചയാണ് ആരാധകർ നടത്തുന്നത്. സൂരജിനാണ് സാധ്യത കൂടുതൽ. ടാസ്ക്കിനിടയില്‍ ലഭിച്ച അവസരം ഉപയോഗിക്കാതെ(ഗിഫ്റ്റ് കാർഡ്) എവിക്ഷനുമായി മുന്നോട്ട് പോവാനാണ് തന്‍റെ തീരുമാനമെന്ന് ആര്യ പറഞ്ഞിരുന്നു.
ഫുക്രുവിനേയും ജസ്ലയേയുമാണ് രജിത് കുമാർ നോമിനേറ്റ് ചെയ്തത്. വീണയെയും രജിത് കുമാറിനെയും സൂരജ് നോമിനേറ്റ് ചെയ്തു. പിന്നാലെ എത്തിയ ആര്യ രജിത് കുമാറിനെയും ജസ്‍ലയെയുമാണ് നിർദേശിച്ചത്. ഫുക്രുവിനേയും രജിത് കുമാറിനേയുമായിരുന്നു വീണ നായര്‍ നോമിനേറ്റ് ചെയ്തത്. രജിത് കുമാറിനേയും വീണയേയുമായിരുന്നു ഫുക്രു നോമിനേറ്റ് ചെയ്തത്. ജസ്ലയേയും ഫുക്രുവിനേയുമായിരുന്നു ക്യാപ്റ്റനായ പാഷാണം ഷാജി നോമിനേറ്റ് ചെയ്തത്.
ഇതിൽ എടുത്ത് പറയേണ്ടത് ജസ്ലയുടെ നോമിനേഷൻ ആണ്. എല്ലായ്പ്പോഴും ഓരോ കാരണങ്ങൾ ഉണ്ടാക്കി രജിതിനെയായിരുന്നു ജസ്ല നോമിനേറ്റ് ചെയ്തു കൊണ്ടിരുന്നത്. എന്നാൽ, ഇത്തവണ ജസ്ല നടത്തിയ നോമിനേഷൻ കണ്ട് അവരുടെ വിരോധികൾ വരെ ഞെട്ടിയെന്ന് വേണം കരുതാൻ.
ആര്യയേയും വീണയേയുമായിരുന്നു ജസ്ല നോമിനേറ്റ് ചെയ്തത്. വീണ ഫേക്ക് ഗെയിം നടത്തുന്നു, ആര്യയ്ക്ക് പലപ്പോഴും പല അഭിപ്രായമാണെന്നുമാണ് കാരണമായി ജസ്ല പറഞ്ഞത്. ഹൌസിലെ കൂടുതൽ ആളുകളും രജിതിനെയാണ് നോമിനേറ്റ് ചെയ്തത് (4). ഫുക്രുവും ജസ്ലയും വീണയും 3 വോട്ടുകൾ നേടി രണ്ടാം സ്ഥാനത്തുണ്ട്. ആര്യയെ നോമിനേറ്റ് ചെയ്തത് ജസ്ല മാത്രമാണ്.
ജസ്ലയുടെ നോമിനേഷൻ എന്തായാലും തകർത്തുവെന്ന് ആരാധകർ പറയുന്നുണ്ട്. ഗിഫ്റ്റ് കാർഡ് ഉപയോഗിക്കാൻ മൂന്ന് തവണ അവസരം ലഭിച്ചിട്ടും അത് വേണ്ടെന്ന് തെല്ല് അഹങ്കാരത്തോട് കൂടിയാണ് ആര്യ ഓരോ തവണയും പറഞ്ഞത്. ഇത് ആര്യയ്ക്ക് തന്നെ വിനയാകുമെന്നാണ് ഫാൻസ് പറയുന്നത്. ഏതായാലും അടുത്ത എലിമിനേഷനായുള്ള കാത്തിരിപ്പിലാണ് ഫാൻസ്.