ന്യൂഡല്ഹി: പരിശീലന പറക്കൽ നടത്തുന്നതിനിടെ മിഗ് 29 കെ പോർവിമാനം അറബിക്കടലില് തകര്ന്ന് വീണു. വ്യാഴാഴ്ക വൈകുന്നേരത്തൊടെയാണ് അപകടം ഉണ്ടായത് എന്നാണ് വിവരം. അറബിക്കടലിൽ നാവികസേനയുടെ ഐഎൻഎസ് വിക്രമാദിത്യ വിമാന വാഹിനിയിൽനിന്നും പറന്നുയർന്ന യുദ്ധവിമാനമാണ് കടലിൽ തകർന്നു വീണത്. വിമാനത്തിലുണ്ടായിരുന്ന പൈലറ്റുമാരില് ഒരാളെ കാണാതായി. മറ്റൊരു പൈലറ്റിനെ രക്ഷപ്പെടുത്തി.
