ഇക്കഴിഞ്ഞ ഐ പി എല്ലിൽ വാതുവെപ്പുമായി ബന്ധപ്പെട്ട് സൽമാൻ ഖാന്റെ സഹോദരനായ അർബാസ് ഖാനോട് ചോദ്യം ചെയ്യുന്നതിനായി എത്തിച്ചേരാൻ പൊലീസ് നിർദേശം നൽകി. വാതുവെപ്പുമായി ബന്ധപ്പെട്ട് നേരത്തെ പിടിയിലായ പ്രതിയുമായി അർബാസിന് ബന്ധമുണ്ടെന്ന് കണ്ടെത്തിയതിനെ തുടർന്നാണ് ചോദ്യം ചെയ്യലിന് എത്തിച്ചേരാൻ താനെ പൊലീസ് നിർദേശം നൽകിയത്.
വാതുവെപ്പുമായി ബന്ധപ്പെട്ട് അറസ്റ്റിലായ സോനു ജലാസുമായി അർബാസിന് ബന്ധമുണ്ടെന്നാണ് പൊലിസ് കണ്ടെത്തിയത്. സോനുവിൽ നിന്നും പിടിച്ചെടുത്ത ഡയറിയിൽ അർബാസുമായി നടത്തിയ സാമ്പത്തിക ഇടപാടിന്റെരേഖകൾ പൊലീസ് ക;ണ്ടെത്തിയിട്ടുണ്ട്.
വെബ്സൈറ്റ് വഴിയാണ് സോനുവും കൂട്ടരും വാതുവെപ്പ് നടത്തിയത്. ഇയാൾക്ക് കുപ്രസിദ്ധ കുറ്റവാളിയായ ദാവൂദ് ഇബ്രാഹിമിന്റെ സംഘവുമായി ബന്ധമുള്ളതായി പൊലീസ് കണ്ടെത്തിയിട്ടുണ്ട്.