പ്രണയം നിരസിച്ചതിന് യുവാവിന്റെ മുഖത്ത് ആസിഡ് ഒഴിച്ച് യുവതി. യുവാവിനെ ആശുപത്രിയിൽ പ്രവേശിപ്പിച്ചു. യുവതിയെ പൊലീസ് കസ്റ്റഡിയിൽ എടുത്തു. ഒഡീഷയിലെ കട്ടക്കിലാണ് സംഭവം. പ്രണയം നിരസിച്ചതിനെ തുടർന്നാണ് യുവതി ആസിഡ് ആക്രമണം നടത്തിയതെന്ന് യുവാവ് പൊലീസിനോട് പറഞ്ഞു. എന്നാൽ പെൺകുട്ടിയും യുവാവും തമ്മിൽ പ്രണയത്തിലാണെന്നും സൂചനയുണ്ട്.
ജഗത്ത്‌പൂർ സ്വദേശിയായ അലേഖ് ബാരിക്ക് എന്ന യുവാവിന്റെ നേർക്കാണ് യുവതി ആസിഡ് ആക്രമണം നടത്തിയത്. യുവാവിന്റെ കരച്ചിൽ കേട്ടെത്തിയ നാട്ടുകാരാണ് ഇയാളെ ആശുപത്രിയിൽ എത്തിച്ചത്. സംഭവത്തിന് പിന്നാലെ യുവാവിനെ ആശുപത്രിയിൽ എത്തിച്ചു.
പെൺ‌കുട്ടിക്ക് തന്നോട് പ്രണയമായിരുന്നെവെന്നും എന്നാൽ തനിക്കങ്ങനെ ഉണ്ടായിരുന്നില്ലെന്നും യുവാവ് പൊലീസിന് മൊഴി നൽകി.