മൊബൈല്‍ റീചാര്‍ജ് കൂപ്പണുകളുടെ പ്രോസസിംഗ് ഫീ വര്‍ധിപ്പിക്കാനുള്ള തീരുമാനം ഉപഭോക്താക്കള്‍ക്ക് തിരിച്ചടിയാകും. ടെലികോം അതോറിറ്റി ഓഫ് ഇന്ത്യ(ട്രായി) ആണ് റീചാര്‍ജ് കൂപ്പണുകളുടെ പ്രോസസിംഗ് ഫീ കൂട്ടാന്‍ മൊബൈല്‍ കമ്പനികള്‍ക്ക് അനുമതി നല്‍കിയത്.
ഇതോടെ 20 രൂപയ്ക്കു മുകളിലുള്ള റീചാര്‍ജ് കൂപ്പണുകളുടെ പ്രോസസിംഗ് ഫീ വര്‍ധിക്കും. 20 രൂപ വിലയുള്ള റീചാര്‍ജ് കൂപ്പണുകളുടെ പ്രോസസിംഗ് ഫീ രണ്ടു രൂപയില്‍ നിന്ന് മൂന്നു രൂപയായി ഉയരും. എന്നാല്‍ 20 രൂപയ്ക്കു താഴെയുള്ള ടോപ്അപ് കാര്‍ഡുകള്‍ക്ക് ഇത് ബാധകമല്ല.