മുന്‍ ചാംപ്യന്‍ റോജര്‍ ഫെഡറര്‍ യു.എസ് ഓപ്പണ്‍ ടെന്നീസില്‍ സെമി കാണാതെ പുറത്ത്. ഇരുപത്തിനാലാം സീഡായ അര്‍ജന്‍റീനയുടെ യുവാന്‍ മാര്‍ട്ടിന്‍ ഡെല്‍പോട്രോയോടായിരുന്നു ഫെഡറര്‍ തോല്‍‌വി ഏറ്റുവാങ്ങിയത്. നാല് സെറ്റ് നീണ്ടു നിന്ന പോരാട്ടത്തിനൊടുവിലായിരുന്നു അര്‍ജന്റീന താരത്തിന്റെ വിജയം. സെമിയില്‍ സ്പാനിഷ് താരം റാഫേല്‍ നഡാലാണ് ഡെല്‍ പോട്രോയുടെ എതിരാളി.
അതേസമയം, വനിതാ സിംഗിള്‍സിന്റെ സെമി ഫൈനലില്‍ ഏറ്റുമുട്ടുന്ന നാലു താരങ്ങളും അമേരിക്കയില്‍ നിന്നുള്ളവരായതിനാല്‍ ആ കിരീടം അമേരിക്ക തന്നെ നിലനിര്‍ത്തും. കഴിഞ്ഞ ദിവസം നടന്ന ക്വാര്‍ട്ടര്‍ ഫൈനലുകളില്‍ കൊക്കോ വാന്‍ഡെവെഗെയും മാഡിസണ്‍ കെയസും തകര്‍പ്പന്‍ ജയം നേടിയതോടെയാണ് ഓള്‍ അമേരിക്കന്‍ സെമിക്കു അരങ്ങൊരുങ്ങിയത്.
