ജൂലൈ 2ന് ആരംഭിക്കുന്ന എഡ്ജ്ബാസ്റ്റണ്‍ ടെസ്റ്റില്‍ ഇന്ത്യന്‍ ഇതിഹാസ താരം സുനില്‍ ഗവാസ്‌കറുടെ റെക്കോര്‍ഡ് നേട്ടം മറികടക്കാനൊരുങ്ങി ഇന്ത്യന്‍ യുവ ഓപ്പണര്‍ യശ്വസി ജയ്‌സ്വാള്‍. 2023 ജൂലൈയില്‍ ടെസ്റ്റില്‍ അരങ്ങേറ്റം കുറിച്ച ജയ്‌സ്വാള്‍ 20 ടെസ്റ്റ് മത്സരങ്ങളില്‍ നിന്നും 1903 റണ്‍സാണ് ഇതിനകം നേടിയത്. ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റില്‍ 97 റണ്‍സ് കൂടെ നേടാനായാല്‍ ടെസ്റ്റ് ക്രിക്കറ്റില്‍ 2000 റണ്‍സ് എന്ന നേട്ടം ജയ്സ്വാളിന് സ്വന്തമാക്കാനാകും. ഇതോടെ അതിവേഗത്തില്‍ 2000 ടെസ്റ്റ് റണ്‍സ് എന്ന നേട്ടമാകും ജയ്‌സ്വാള്‍ സ്വന്തമാക്കുക.
