അലക്‌സാണ്ടര്‍ ഹെന്‍ഡ്രിക്‌സ് ബെല്‍ജിയത്തിനായി ഹാട്രിക് ഗോള്‍ നേടി. ഫാനി ലൂയ്‌പേര്‍ട്ടും ഡോഹ്മെനും ഓരോ ഗോള്‍ നേടി. ഇന്ത്യയ്ക്ക് വേണ്ടി മന്‍പ്രീത് സിങ്ങും ഹര്‍മന്‍ പ്രീത് സിങ്ങും ഗോള്‍ നേടി. ഒരു ഗോള്‍ ആദ്യം വഴങ്ങിയ ശേഷം ഇന്ത്യ രണ്ട് ഗോളുകള്‍ തിരിച്ചടിക്കുകയായിരുന്നു. 2-1 ന് മുന്നിലെത്തിയതോടെ ആരാധകര്‍ വിജയപ്രതീക്ഷയിലായിരുന്നു. എന്നാല്‍, രണ്ടാം ക്വാര്‍ട്ടര്‍ മുതല്‍ ബെല്‍ജിയം ആവേശത്തോടെ കളിക്കുകയും മത്സരത്തിലേക്ക് തിരിച്ചെത്തുകയും ചെയ്തു. മൂന്നും നാലും ക്വാര്‍ട്ടറില്‍ ബെല്‍ജിയത്തിനായിരുന്നു മേല്‍ക്കൈ. തിരിച്ചടിക്കാന്‍ ഇന്ത്യ പരമാവധി പരിശ്രമിച്ചെങ്കിലും ബെല്‍ജിയത്തിന്റെ ഗോള്‍വല കുലുക്കാന്‍ സാധിച്ചില്ല.
