'അവരുടെ സെമിഫൈനല്‍ മത്സരം കാണുമ്പോള്‍ ഞങ്ങള്‍ അടുത്ത മത്സരത്തിനായുള്ള തയ്യാറെടുപ്പിലായിരുന്നു. ടീം മീറ്റങ്ങായിരുന്നു ആ സമയത്ത്. കളിനടക്കുമ്പോള്‍ ഞങ്ങള്‍ മീറ്റിങ് നിര്‍ത്തി പ്രൊജക്ടറില്‍ ലൈവ് കണ്ടു. പറഞ്ഞാല്‍ നിങ്ങള്‍ക്ക് വിശ്വസിക്കാന്‍ പറ്റില്ല...വനിത ടീമിന്റെ മത്സരം കണ്ടപ്പോള്‍ എനിക്കുണ്ടായ സമ്മര്‍ദം മുന്‍പ് ഒരിക്കലും ഉണ്ടാകാത്തവിധമായിരുന്നു. ലോകകപ്പിലോ ഒളിംപിക്‌സിലോ കളിക്കുമ്പോള്‍ പോലും അത്രയ്ക്ക് സമ്മര്‍ദം ഞാന്‍ അനുഭവിച്ചിട്ടില്ല. എന്റെ ഹൃദയം ടീ-ഷര്‍ട്ടിന് പുറത്ത് വന്ന് മിടിക്കുന്നതു പോലെയാണ് അന്ന് തോന്നിയത്. വനിത ടീമിന്റെ വെങ്കല മെഡല്‍ മത്സരം കാണില്ലെന്ന് ഉറപ്പിച്ചത് അങ്ങനെയാണ്. അത് കൂടി കണ്ടാല്‍ ഞാന്‍ മരിച്ചുപോകും. അത്രയും സമ്മര്‍ദമായിരുന്നു,' ശ്രീജേഷ് പറഞ്ഞു.
