കേരളത്തെ പിടിച്ചുകുലുക്കിയ പ്രളയത്തിൽ നിന്നും കരകയറാനുള്ള ശ്രമത്തിലാണ് സംസ്ഥാനം. ഇതിനായി നിരവധിയാളുകളാണ് കേരളത്തിന് സഹായവുമായി എത്തുന്നത്. ഇപ്പോഴിതാ, പ്രളയത്തിലകപ്പെട്ട കേരളത്തിലെ കുട്ടികളെ സഹായിക്കണമെന്ന ആഹ്വാനവുമായി സ്പാനിഷ് ലീഗ് വമ്പന്‍മാരായ അത്ലറ്റിക്കോ മാഡ്രിഡ് രംഗത്തെത്തിയിരിക്കുകയാണ്.
നേരത്തെ തന്നെ നിരവധി ഫുട്‌ബോള്‍ ടീമുകള്‍ കേരളത്തിന് പിന്തുണയുമായി രംഗത്തെത്തിയിരുന്നു. സ്പാനിഷ് ക്ലബ് ഐബാറാണ് ആദ്യം പിന്തുണയറിയിച്ചത്. അതിനു ശേഷം ലിവര്‍പൂള്‍, ബാഴ്‌സലോണ, ടോട്ടനം, ചെല്‍സി, ആഴ്‌സണല്‍ എന്നിങ്ങനെ നിരവധി ടീമുകള്‍ അവരുടെ പിന്തുണ് അറിയിച്ചു.
