കഴിഞ്ഞ ഒക്ടോബറിൽ അലാവസിനെതിരായ മത്സരത്തിന്‍റെ 42-ാം മിനുറ്റി‌ൽ നെഞ്ചുവേദനയെ തുടർന്ന് അഗ്യൂറോ മൈതാനം വിട്ടിരുന്നു. വിശദമായ പരിശോധനയിലാണ് ഹൃദയമിടിപ്പുമായി ബന്ധപ്പെട്ട രോഗം കണ്ടെത്തിയത്. തിരിച്ചുവരുമെന്ന് ആരാധകർക്ക് വാക്ക് നൽകിയാണ് മടങ്ങിയെങ്കിലും ആരോഗ്യസ്ഥിതി മോശമായതിനാൽ താരത്തിന് ആ വാക്ക് പാലിക്കാൻ സാധിക്കാത്ത അവസ്ഥയാണ്.
എന്നാല്‍ കരാര്‍ പുതുക്കാനാവാതെ മെസിക്ക് ബാഴ്‌സ വിടേണ്ടിവന്നതിന് പിന്നാലെ പരിക്കിനെ തുടർന്ന് രണ്ട് മാസം അഗ്യൂറോയ്ക്ക് പുറത്തിരിക്കേണ്ടി വന്നു.ഫിറ്റ്നസ് വീണ്ടെടുത്ത് ആദ്യ ഇലവനിലേക്ക് തിരിച്ചെത്തിയ സമയത്താണ് അലാവസിനെതിരായ മത്സരത്തില്‍ നെഞ്ചുവേദന അനുഭവപ്പെട്ട് താരം ആശുപത്രിയില്‍ പ്രവേശിപ്പിക്കപ്പെട്ടത്.
