പെണ്‍കുട്ടികള്‍ക്ക് കായികവിദ്യാഭ്യാസം നല്കുന്നതില്‍ രാജ്യത്ത് താല്പര്യം കുറവാണെന്ന് പ്രമുഖ ബാഡ്‌മിന്റണ്‍ താരം സൈന നെഹ്‌വാള്‍. പ്രൊഫഷന്‍ എന്ന രീതിയില്‍ സ്പോര്‍ട്സ് പെണ്‍കുട്ടികള്‍ക്ക് ചേരുന്നതല്ലെന്നും അവരുടെ പഠനം ഉഴപ്പും എന്നുമുള്ള ചിന്തയാണ് ഇതിന് കാരണമെന്നും ബാഡ്‌മിന്റണ്‍ ലോക രണ്ടാം നമ്പര്‍ താരം പറഞ്ഞു.
താനും സാനിയ മിര്‍സയും ദീപിക പള്ളിക്കലും ജ്വാല ഗുട്ടയും അശ്വിനി പൊന്നപ്പയും ഒക്കെ ഉള്‍പ്പെടുന്ന വനിത താരങ്ങള്‍ അടുത്തിടെ മുമ്പെങ്ങുമില്ലാത്ത വിധം അന്താരാഷ്‌ട്ര രംഗത്ത് നിരവധി നേട്ടങ്ങള്‍ കൈവരിച്ചിട്ടുണ്ട്. എന്നാല്‍, പെണ്‍കുട്ടികള്‍ക്ക് കായികവിദ്യാഭ്യാസം നല്കുന്ന കാര്യത്തില്‍ രാജ്യം മടിച്ചു തന്നെ നില്‍ക്കുകയാണെന്നും താരം പറഞ്ഞു.
